Боксчиларимиз Россияда тенгсиз!
  1. Россиянинг Каменск-Уралский шаҳрида бокс бўйича анъанавий халқаро турнир ўтказилди.

Кескин ва муросасиз баҳсларга бой ўтган турнирда боксчиларимиз мамлакатимиз шарафини муносиб ҳимоя қилди.

Турнирда Самандар Холмуродов, Абдумалик Хaлаков, Халимбек Утененов, Жаҳонгир Раҳмонов, Мангуберди Абдурасулов, Жамшид Маҳамадалиев ўз вазн тоифаларида олтин медальни қўлга киритди.

Умидли боксчиларимиздан Содир Камолмирзаев, Алимардон Абдужабборов эса кумуш медаль соҳиби бўлди. Шунингдек, ўсмирлар ўртасидаги баҳсларда Отабек Аҳадов ва Комилжон Юсупов биринчи ўриндан жой олди.

Ўсмирлар терма жамоамиз нуфузли турнирда шоҳсупанинг энг юқори поғонасидан жой эгаллади.

Sports.uz