Бонуччи ЕЧЛ 1/8 финалида "Ювентус" қайси жамоага тўқнаш келмаслигини хоҳлашини айтди

Туриннинг “Ювентус” клуби ҳимоячиси Леонардо Бонуччи Чемпионлар лигасининг 1/8 финал босқичида “Тоттенхэм”га тўқнаш келиб қолмасликни хоҳламоқда.

Таъкидлаш керакки, “Ювентус” ўзи иштирок этётган “D” гуруҳида муддатидан аввал 1-ўринни қўлга киритди, “Тоттенхэм” эса “В” гуруҳида 2-бўлди. Шу боис ушбу жамоаларнинг кейинги босқичда тўқнаш келиб қолиш эҳтимоллари мавжуд.

“Агар менга Чемпионлар лигаси 1/8 финалида тўқнаш келишни хоҳламаган жамоани танлаш керак имконияти берилса, мен “Тоттенхэм”ни айтган бўлардим. Чунки, Жозе Моуриньо уларга муҳим беллашувдан аввал қўшимча устунлик бериши мумкин. Февралгача ҳали кўп нарсалар ўзгариши мумкин, аммо Маурисио Почеттинога ҳурмат сақлаган ҳолда айтишим мумкинки, “шпорлар” янги мураббий қўл остида яна пойгага қўшилишди”, - дейди италиялик футболчи.