Borgunimcha qimmatbaho bu futbolchini “Chelsi”dan yo‘qotinglar!
“Chelsi”ni yangi mavsumga Maurisio Pochettino tayyorlaydigan bo‘lyapti. Garchi bu rasman e’lon qilinmagan bo‘lsa-da, argentinalik mutaxassis tarkibni shakllantirish borasida ish boshlagani aytilmoqda.
The Sun nashrining ma’lum qilishicha, Maurisio Pochettino klub rahbariyatga chap qanot himoyachisi Mark Kukurelyani sotib yuborish kerakligini aytgan. Ispaniya himoyachini “aristokratlar” o‘ta qimmat narxga olgan edi.
“Chelsi” 24 yoshli futbolchi uchun “Brayton”ga 62 million funt to‘lagan. Bu transferning amalga oshirilishiga “Brayton”dan “Chelsi”ga ko‘chib o‘tgan bosh murabbiy Grem Potter asosiy tashabbuskor bo‘lgan.
Mark Kukurelya yangi jamoasi safida 24 uchrashuvda maydonga tushdi. Biroq, himoyadagi ishonchsiz o‘yini tufayli asosiy tarkibga kirishi qiyinlashib qolgan.
Pochettino “Chelsi”ni qabul qilib olganidan keyin chap qanotda Ben Chiluell va Lyuis Xoll kabi futbolchilarni o‘ynatmoqchi.
Fikrlar