"Бўрилар" "тулкилар" билан муроса йўлини танлашди!

Англия Премьер-Лигаси 23-туридан ўрин олган "Вулверхемптон" - "Лестер" баҳси ўз ниҳоясига етди. Учрашувда 0:0 ҳисобидаги нурсиз дуранг қайд этилди. Иккала жамоа вакилларида ҳам кўплаб имкониятлар юзага келганига қарамай, дарвозалар бугун ишғол қилинмади.

Шу тариқа, очколари сонини 43 тага етказиб олган "Лестер" 3-ўринда қолди, 27 очкоси бор "бўрилар" эса 14-ўриндан жой олишган.

• 90+3'
  

  Учрашув якунланди! "Бўрилар" ўз уйида "тулкилар" билан муроса кўчасини танлашди. Матнли трансляцияни Абдулла Маннонов олиб борди. Эътиборингиз учун раҳмат!

• 90+1'
  

  Меддисон бурчакдан тўпни жарима майдончаси ичкарисига етказиб берди, Патрисио тўпни эгаллаб олди.

• 90+'
  

  Учрашув асосий вақтига 3 дақиқа қўшиб берилди.

• 88'
  

  "Бўрилар"да ўзгариш: Педру Нето ўрнига Гиббс-Уайт ўйинга қўшилди.

• 87'

  Ки-Яна Хуверда хавфли вазият!!! Жарима майдони ичига ёриб кирган футболчи кутилмаганда жуда юқорига тўпни йўналтириб юборди, вазият барбод бўлди.

• 85'

  Максимилиан Килманн ўйин қоидасини қўпол тарзда бузди. Ҳакам жарима зарбаси белгилади.

• 82'

  Олбрайтоннинг узатмасини ҳимоячилар блоклади ва жарима майдонидан узоқлаштирди.

• 81'

  Дарвозага йўлланган жами зарбалар статистикаси: 12:10!

• 78'
  

  Моутиньо бурчакдан тўпни ўйинга киритиб берди, хавфли ҳужум ноаниқ зарба билан якунланди.

• 77'

  Моутиньо бурчак тўпи тепади, хавфли вазият юзага келиши мумкин.

• 74'
  

  "Лестер" бурчакдан тўпни ўйинга киритиб беради.

• 73'

  Яна бир хавфли вазият! Харви Барнснинг кучли зарбаси устуннинг ёнгинасидан ўтиб кетди.

• 72'

  Леандер Дендонкер тактик фол ишлатди. Рақиб ҳужуми тўхтатиб қолинди, кейинги сафар бу учун сариқ карточка кўрсатилади.

• 70'

  Невешда барчаси жойида. У ўйинни давом эттира олади.

• 68'
  

  Рубен Невеш тўқнашув натижасида шикастланди ва тиббий ёрдамга муҳтож ҳолда майдонда ётибди.

• 65'

  Моутиньо жарима майдончаси ичига тўпни чиройли тарзда етказиб берди, сўнгги зарба дарвоза тўсинининг устидан ўтиб кетди.

• 64'
  

  "Вулверхемптон" бурчакдан тўпни ўйинга киритиб беради.

• 63'
  

  Жеймс Меддисон сариқ карточка олди. Қўполлик жиддий эди.

• 62'
  

  "Вулверхемптон"да ҳам ўзгариш: Фабио Сильва ўрнига Виллиан Жозе ўйинни давом эттиради.

• 62'
  

  "Лестер"да навбатдаги ўзгариш: Айозе Перес ўрнига Марк Ольбрайтон майдонга тушди.

• 61'
  

  "Лестер"да ўзгариш: Келечи Ихеаначо ўрнига жамоанинг асосий ҳужумчиси Жейми Варди майдонга тушди.

• 58'
  

  Моутиньо бурчакдан тўпни ўйинга киритиб беради.

• 57'
  

  "Вулверхемптон" бурчакдан тўпни ўйинга киритиб берди, ҳимоячилар уни яна бир бор бурчакка чиқариб юборишди.

• 56'

  Меддисон тўпни жарима майдончаси ичига етказиб берди, Патрисио тўпни эгаллаб олди.

• 55'

  Моутиньо жарима тўпи тепади.

• 54'
  

  Чағлар Сеюнжу қўполлиги учун сариқ карточка билан огоҳлантирилди.

• 52'

  Педро Нетонинг кучли ва аниқ зарбаси ҳимоячи томонидан блокланди.

• 50'

  Нелсон Семеду ҳужумда фол намойиш этди.

• 48'

  Рубен Невеш жарима майдони ташқарисида тўпни қабул қилиб олди юқори бурчакка кучли зарба берди! Тўп дарвоза тўсинидан миллиметрлар баландлаб ўтиб кетди.

• 47'

  Рубен Невеш яна қўпол ўйнади. Бош ҳакам ўйинни тўхтатди.

• 46'
  

  "Вулверхемптон" таймни ўзгариш билан бошлаб олди: Жонни ўрнига Ки-Яна Хувер ўйинга қўшилди.

• 46'
  

  Иккинчи бўлим бошланди!

• 45'

  Футболчилар майдонга қайтишмоқда. Биз ҳам қайтамиз.

• 45+2'
  

  Биринчи бўлим якунланди. Танаффус.

• 45+1'
  

  Рубен Невеш ўзининг қўпол фоли учун сариқ карточка билан жазоланди.

• 45+'
  

  Биринчи бўлимга 1 дақиқа вақт қўшиб берилди.

• 44'

  "Лестер" тўпни ишонч билан назорат қилмоқда.

• 42'

  Меддисон тўпни рақиб жарима майдони ичига етказиб берди, бироқ Руи Патрисиу тўпга ҳаммадан эрта сакраб, уни эгаллаб олди.

• 40'

  Юрий Тилеманс ўйин қоидасини бузди.

• 38'
  

  Невеш ўзининг кучли зарбасини намойиш этди, дарвозабондан сейв!!!

• 37'

  Хамза Чудхури тўпни қўли билан ўйнаб юборди.

• 36'

  Рубен Невеш "Вулверхемптон"нинг узоқ уюштирган позицион ҳужумини ноаниқ зарбаси билан якунлаб берди.

• 34'

  Меддисонда ажойиб имконият юзага келди! Жарима майдони ичига ёриб кирган футболчи кучли зарба берди, бироқ ҳимоячилардан бири тўпни блоклади.

• 32'
  

  Жонни Эвансга сариқ карточка кўрсатилди.

• 30'

  Айозе Перес рақибини қўпол тарзда тўхтатиб қолди. Ҳакам бунга сариқ карточка ҳам кўрсатиши мумкин эди, бироқ оғзаки огоҳлантириш билан чекланилди.

• 29'

  Меддисон жарима тўпини тепди, палапартиш вазиятни "Вулверхемптон" ҳимоячилари бир амаллаб бартараф этишди.

• 28'

  Рубен Невеш рақиби билан тўқнашиб кетди, фол "бўрилар"га ёзилди. "Лестер" жарима тўпи тепади.

• 28'

  Педро Нето жарима майдони чизиғи устидан берган кучли зарба дарвоза устунидан бироз юқорилаб кетди.

• 26'
  

  Жоао Моутиньо бурчакдан тўпни тезкорлик билан ўйинга киритиб беради.

• 25'

  Педро Нето қанотдан тўпни жарима майдончаси ичига ҳаволатиб етказиб берди, ҳимоячилардан бири боши билан тўпни узоқлаштирди. "Бўрилар" бурчак тўпи тепади.

• 22'
  

  Айозе Перес офсайдда қолиб кетди.

• 20'

  Келечи Ихеаначо учрашувдаги биринчи зарбасини берди, тўп дарвоза тўсинидан юқорилаб кетди.

• 18'

  Жеймс Меддисон жарима майдончаси ичига тўпни чиройли тарзда узатди, бироқ ҳимоячилардан бири тўпни узоқлаштирди.

• 17'

  Жонни рақибини чалиб йиқитди. Бош ҳакам жарима зарбаси белгилади. Яна бир хавфли вазият.

• 16'
  

  "Вулверхемптон" тезкорлик билан бурчак тўпини ижро этади.

• 14'

  Тўп назорати "Лестер" томонда. Хавфли ҳужумлар борасида эса "бўрилар" "тулкилар"га дарс беряпти.

• 12'

  Жастин қўпол ўйнади. Бош ҳакам фол қайд этди.

• 11'
  

  Педро Нето бурчакдан тўпни ўйинга киритиб беради.

• 10'

  Адама Траоренинг жарима майдончаси ташқарисидан туриб берган зарбаси ҳимоячилардан бирига тегиб, майдонни тарк этди. Бурчак тўпи.

• 8'
  

  Лайнсмен байроғини кўтарди: Харви Барнс офсайдда қолиб кетди.

• 5'

  Келечи Ихеаначо ҳужумда фол намойиш этди. Бош ҳакам жарима зарбаси белгилади.

• 4'

  "Вулверхемптон" футболчиси Жонни яккама-якка вазиятга чиқиб кетди, бироқ сўнгги зарбани беришга куч топа олмади. Ҳимоячилар яхши ўйнади.

• 2'

  Рикарду Перейра агрессив ўйини билан ўйин қоидасини бузди, ҳакам буни илғаб ҳуштагини чалди.

• 1'
  

  Учрашув бошланди!

• 0'

  Футболчилар майдонга чиқиб келишмоқда. Премьер-Лига мадҳияси янгради.

• 0'

  Ассалому алайкум, қадрли футбол ихлосмандлари! Англия Премьер-Лигаси 23-туридан ўрин олган "Вулверхэмптон" - "Лестер Сити" учрашуви бошланиш арафасида. Уни сайтимиз орқали матнли кўринишда кузатиб боришингиз мумкин. Матнли трансляцияни Абдулла Маннонов олиб боради.