"Bornmut" futbolchisi Messidan o‘zib ketdi

"Bornmut" yarim himoyachisi Rayan Freyzer bugun APLning 37-turida "Tottenxem"ga (1:0) qarshi bo‘lib o‘tgan o‘yinda jamoasining yagona goliga assistentlik qildi.

E’tiborlisi, bu uning mavsumdagi 14-golli uzatmasi bo‘ldi va u bu borada Evropaning kuchli beshlik chempionatlarida eng yaxshi natija qayd etib turgan “Borussiya” Dortmund vingeri Jeydon Sanchoga (14) etib oldi. Bundan tashqari u “Barselona” forvardi Lionel Messini (13) ortda qoldirishga erishdi.