"Боруссия" бош мураббийи: "Истеъфога чиқарилишим ҳақидаги янгиликларни ўқиб, ҳайрон қолганим йўқ

Германия матбуотида "Боруссия" бош мураббий Эдин Терзичнинг мавсум сўнггида клубни тарк этиши мумкинлиги борасида хабарлар тарқалмоқда. Мутахассиснинг ўзи миш-мишлар ҳақида гапирди.

"Менинг ишим хавф остида эканлигини эшитиб ҳайрон бўлмадим, топ-клубда бўлганингизда бу нормал ҳолат". Тўғрисини айтсам, мавсум бошидан буён доим шундай. Мен эътиборни ўз ўйинларимизга қаратмоқчиман, чалғимаслик керак", - деди Терзич. 

Эдин бош мураббийлик фаолиятини айнан "Боруссия"да бошлади. 2010 йилда ёшлар жамоасида, кейинчалик скаут ва теҳник директор каби вазифаларни бажарган мутахассис 2022 йилнинг ёзидан бери асосий жамоага устозлик қилмоқда.