"Боруссия Д" "Реал" футболчисини кўзламоқда

"Боруссия" Дортмунд "Реал" вингери Рейньер учун курашга қўшилди.

AS нашри тарқатган хабарга кўра, немис клуби 18 ёшли бразилиялик футболчини 1 мавсумга ижарага олмоқчи. Унга эса "Байер", "Вальядолид" ва "Реал Сосьедад" клубларидан ҳам қизиқишлар бор. “Қироллик клуби” эса уни ўсишга эришиши мумкин бўлган кучлироқ жамоага ижарага бермоқчи.

“Реал” Рейньерни жорий йилнинг январь ойида 30 млн евро эвазига сотиб олган эди. У "Кастилья" жамоасида 3 та ўйинда майдонга тушди ва 2 та гол урди.