"Боруссия Дортмунд" АПЛдан ҳужумчи олиб келмоқда

"The Athletic" нашрининг хабар беришича, Дортмунднинг "Боруссия" клуби "Вулверхэмптон" ҳужумчиси Фабиу Силва трансфери бўйича келишувга эришди.

Келишув шартларига кўра, 23 ёшли футболчи учун 22,5 миллион евро тўланади. Шунингдек, 4 миллион евролик бонус ҳам кўзда тутилган.

Футболчи Лига кубогида "Вест Хэм"га қарши (3:2) ўйиндан сўнг жамоадошлари билан хайрлашган.

Эслатиб ўтамиз, ўтган мавсумда Фабиу Силва ижара асосида "Лас-Пальмас" сафида тўп сурди ва Ла Лиганда 24 учрашувда 10 та гол урди.