“Боруссия” ишонган футболчисидан айрилди. Жароҳат ўта оғир

“Боруссия”нинг етакчи ярим ҳимоячиси Аксель Витсель жорий мавсумда бошқа майдонга туша олмайди.

Дортмундликларнинг расмий сайти “Лейпциг”га қарши ўтказилган учрашувда 31 ёшли бельгиялик футболчи чап оёғида жиддий жароҳат олганини хабар қилди. Маълумотларга қараганда, бу турдаги жароҳатни даволаш ва ундан тикланиш учун узоқ муддат керак бўлади. Шу боис, Витсель бу мавсумда жамоага ёрдам бера олмайди.

Витсель жорий чемпионатда 15 учрашувда майдонга тушган эди.