"Боруссия" Санчонинг ўрнини ким билан тўлдиришни билади

"Боруссия Дортмунд" спорт ишлари бўйича директори Михаэль Цорк немис клуби Жейдон Санчонинг "Манчестер Юнайтед"га кетишига тайёр эканлигини маълум қилди.

"Асаларилар" раҳбарияти англиялик футболчининг трансфер суммасини 100 миллион фунтдан туширмоқчи эмас. Бироқ молиявий инқироз ортидан клуб унинг кетишига ҳам тайёргарлик кўриб қўйди.

"Агар Жейдон клубни тарк этадиган бўлса, унда биз ҳужум чизиғини тўлдириш борасида ишлар олиб борамиз. Бизда бунинг учун бир-иккита номзодлар бор", - дея айтиб ўтди Цорк.