"Borussiya" tasdiqladi! Sancho "Manchester Yunayted"ga o‘tadi

"Borussiya" Dortmund yarim himoyachi Jeydon Sanchoning transferi borasida "Manchester Yunayted" bilan kelishuvga erishganini ma’lum qildi.

Manbaning xabariga ko‘ra, angliyalik futbolchining transferi "qizil iblislar"ga 85 million evroga tushgan. Avvalroq, bonuslar tariqasida yana 10 million evro qo‘shib berilishi haqida ma’lumotlar tarqalgandi. 

Sancho tez orada Manchester klubida tibbiy ko‘rikdan o‘tadi va rasman "MYu bilan 5 yillik shartnoma imzolaydi.  Yarim himoyachi mankunialiklar safida bonuslar bilan birga haftasiga 250 ming funt maosh oladi.

2020/21 yilgi mavsumda Jeydon 26ta o‘yinda maydonga tushib, 8ta gol urgan hamda 12ta golga assistentlik qilgan.