“Боруссия” юлдузи билан хайрлашяпти

“Боруссия” ёзги трансферлар вақтида англиялик ярим ҳимоячи Жейдон Санчони сотиб юборишга қарор қилди. Дортмундликлар ҳужумкор футболчи учун камида 100 миллион евро тикадиган клуб билан музокара бошлашга тайёр.

Жейдон Санчога анчадан бери “Манчестер Юнайтед” харидор ҳисобланади. Сульшер жамоаси ўтган йили 120 миллион еврога футболчини қўлга кирита олмаган эди. Аниқроғи, дортмундликлар бу суммани бўлиб тўлаш таклифини қабул қилмаган.

Бу йил ҳам Санчонинг бозори чаққон. Чемпионлар лигаси финали олдидан таркибини кучайтиришни мақсад қилган “Челси” САнчони ёзги трансферлар вақтида асосий нишон сифатида танлади.

Таркибини жиддий янгилашга қарор қилган “Ливерпуль” ҳам 20 ёшли футболчи учун яхшигина харажатга тайёр.

Санчо жорий мавсумда Бунеслигада 23 та учрашувда майдонга тушиб, олтита гол урди ва тўққизта голли пас узатди. Унинг дортмундликлар билан шартномаси яна икки йил давом этади.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар