“Боруссия”да янги юлдуз порлайди

“Боруссия” раҳбарияти ёзги трансферлар вақтида Жейдон Санчо билан хайрлашишга тайёр. Айни пайтда дортмундликлар унинг ўрнини босишга қодир бўлган футболчини ҳам топиб қўйди.

ПСВ ва Нидерландия терма жамоаси ҳужумкор футболчиси Дониэлл Мален ёзда Бундеслигага кўчиб ўтиш имкониятига эга бўлади. Немислар бу футболчи Санчонинг  йўқлигини билдирмаслигига ишонмоқда.

Мален жорий мавсумда рақиблар дарвозасини 9 марта аниқ нишонга олиб, жамоадошларини беш бор голли пас билан таъминлади. Мален аслида “Аякс” тарбияланувчиси ҳисобланади. 2015 йилда “Арсенал”га таклиф қилинган бўлса-да, Англия футболига мослаша олмасдан, икки йилдан сўнг,  ўз юртига қайтиб кетганди.

Матнда хатолик топсангиз, ўша хатони белгилаб, бизга жўнатинг (Ctrl + Enter)