Bo‘shatib yuborilgan Kuman "Barsa"dan yaxshigina pul oladi

Ispaniya La Ligasi 11-turidan o‘rin olgan "Rayo Valekano"ga qarshi mag‘lubiyatdan so‘ng "Barselona" bosh murabbiyi Ronald Kuman iste’foga chiqarildi.

"El Pais" nashri tarqatgan xabarga ko‘ra, niderlandiyalik mutaxassis klubdan erta bo‘shatib yuborilgani uchun 12 million evro miqdorida kompensatsiya puli oladi. Avvalroq, bu miqdor sabab kataloniyaliklar rahbariyati Kumanni ketkazmaslikka majburligi aytilgandi. Biroq mavsum debyutantidan uchralgan mag‘lubiyat barchasini tezlashtirib yubordi.

58 yoshli murabbiy 2020 yilning avgust oyida "ko‘k-anorranglilar" boshqaruviga tayinlangandi. Bu vaqt oralig‘ida u jamoa bilan Ispaniya kubogiga ega chiqdi.

Ayni paytda, undan bo‘shab qolgan lavozimni "Barselona" afsonasi Xavi egallashi kutilmoqda.