Бошқалар Анчелоттидан ўргансин! Ёхуд италиялик мутахассис тарихий рекордни "урди"

Мадриднинг “Реал” клуби бош мураббийи Карло Анчелотти Европанинг топ-5 лигаларида чемпион бўлган тарихдаги биринчи мутахассисга айланди.

Айтиш лозимки, кеча "Эспаньол" устидан қозонилган ғалаба (4:0) эвазига “қироллик клуби” Испания чемпионлигини муддатидан аввал қўлга киритди.

Аввалроқ 62 ёшли италиялик мутахассис «Милан» билан Италия чемпионлигини, «Челси» билан Англия чемпионлигини, «Бавария» билан Германия чемпионлигини, шунингдек, ПСЖ билан Франция чемпионлигини қўлга киритган.