Braim Dias Simeonega: Endi gapir!

Braim Dias Chempionlar ligasi doirasida "Atletiko" darvozasiga gol urganidan so‘ng Diego Simeonega javob qaytardi. 

EChL 1/8 finali doirasida "Real" "Atletiko"ni 2:1 hisobida mag‘lub etdi. Braim 55-daqiqada g‘alaba golini urdi. 

Golni nishonlash chog‘ida yarim himoyachi Simeonega qarab: "Endi gapir, endi gapir"! deb baqirdi. 

Gap shundaki, dushanba kuni bo‘lib o‘tgan matbuot anjumanida "matraschilar" ustozi Braimning maydonga tushishiga shubha qilgandi. 

"O‘ylaymanki, ular Bellingemning o‘rnini Modrich va Chuameni yoki Kamavinga bilan to‘ldiradi. Braimning maydonga tushishi ehtimoli bor, lekin mening ishonchim komil emas", - degan edi Simeone.