Braziliya va “Inter” afsonasi yong‘in oqibatida reanimatsiyaga tushdi

Braziliya terma jamoasi va “Inter” klubining afsonaviy himoyachisi Lusio og‘ir ahvolda Brazilia shahridagi shifoxonaga yotqizildi.

La Gazzetta dello Sport nashrining yozishicha, sobiq futbolchi tanasining bir necha joyi kuyib ketgan.

Manbaga ko‘ra, 47 yoshli himoyachi o‘z uyida kelib chiqqan yong‘in oqibatida shikastlangan. Hozircha, kuyish darajasiga aniqlik kiritilmadi. Lusioning ahvoli og‘ir, lekin barqarorligi, shifokorlar tomonidan nazorat qilayotgani aytilmoqda.

Lusio o‘z davrining eng zo‘r markaziy himoyachilaridan bo‘lgan. 2002 yili Braziliya terma jamoasining jahon chempioni bo‘lishiga katta hissa qo‘shgan. Xalqaro miqyosda 105 ia o‘yin o‘tkazib, himoyadagi vazifalarini bajarishdan tashqari to‘rtta gol ham urgan.

Braziliyalik mahoratli futbolchi 2005 yili “Inter” jamoasi tarkibida Evropa Chempionlar ligasida bosh sovrin sohibi bo‘lgan edi.