Braziliyalik hujumchi xizmatlari "Real" va "Atletiko"ga taklif qilindi

“Manchester Siti” hujumchisi Gabriel Jezus faoliyatini Ispaniya chempionatida davom ettirishi mumkin.

“Cadena SER” nashri xabariga ko‘ra, braziliyalik forvardning agenti mijozi xizmatlarini Madridning ikki klubi - "Real" va "Atletiko"ga taklif qilgan. Qayd etilishicha, Jezus Ispaniya poytaxida soliqlardan tashqari 5 million evro maosh olishi ko‘zda tutilgan.

Gabriel jahon chempionati oldidan ko‘proq o‘yin amaliyotiga ega bo‘lishni istamoqda, shuning uchun yozda klubini o‘zgartish ehtimoli katta. Oldinroq braziliyalik futbolchining transferiga "Yuventus" va "Arsenal" qiziqish bildirayotgani haqida xabarlar tarqalgan edi.

Jezus o‘tgan mavsumda "Manchester Siti" tarkibida 41 o‘yinda ishtirok etib, o‘z hisobiga 13 gol va 12 assistni yozdirib qo‘ygan.