Бразилиялик ишқибозлар ғазаб отига минган! Пеленинг дафн маросими чоғида Неймар қаерда эди?

ПСЖ клуби ҳужумчиси Неймар Жуниор кутилмаганда Пеленинг дафн маросими чоғида Бразилияга қайтмади. Француз нашрлари маҳаллий журналистларнинг маълумотларига суянган ҳолда, уни клуб қўйиб юбормагани ҳақида ёзди. Унга кўра, мундиалдан чарчаб келган футболчига дам олиш буюрилган ва Парижда қолиш талаб қилинган.

Бу версияни футболчининг отаси ҳам тасдиқлади. Унинг айтишича, ўғли дам олиш кунларини Пеленинг дафн маросимида иштирок этишга бағишлаган бироқ, ПСЖ бунга изн бермаган. Бу воқеалар содир бўлганидан бир кун ўтиб, кўплаб журналистлар аслида воқеа бошқача бўлгани ҳақида ёза бошлади. Улар берган маълумотларга суянадиган бўлсак, Неймар Париж клубига ўзини Бразилияга қўйиб юборишларини сўраб мурожаат этмаган. Агар шундай бўлганида ҳам, ПСЖ ҳеч қачон рад жавобини бермаган бўлар эди. Боз устига, қисқа таътил чоғида клуб Ашраф Ҳакими ва Килиан Мбаппенинг АҚШдаги НБА ўйинларини томоша қилишига рухсат берган эди.

Бир қарашда, Неймар атайин ўзи учун қулай график тузиб олгандек кўриниши мумкин. 28 декабрда “Страсбург” билан баҳсдаги қизил карточка сабабли у 1 январдаги “Ланс” билан ўйинни ўтказиб юборди. Бу кунлар орасида (29 декабрь) Пеле вафот этди. Тўғри, вақт қисқа бўлиши мумкин, аммо Пеленинг оила аъзолари унинг жони узилишидан бир неча соат аввал бемор оғирлашиб қолгани ҳақида маълум қилган эди.

Бугун эса, интернетда 2 ёкм 3 январь санасида тасвирга олингани тахмин қилинаётган видеоролик пайдо бўлди. Унда, Неймар тунги клублардан бирида қўшиқ айтиб, рақсга тушаётганини кўришимиз мумкин.

Натижада, ишқибозлар ғазаб отига минди. Гап ПСЖ юлдузининг дафн маросимига келмаганида эмас. Иккиси ҳам “Сантос” тарбияланувчиси бўлгани боис, Пеле Неймар Жуниорни 13 ёшлик пайтида ўз қарамоғига олган эди. Уни ўзининг издоши деб эълон қилибгина қолмай, моддий ёрдамини ҳам аямаганди. Натижада, 14 ёшга тўлиши билан у тўлиқ Пеленинг муҳофазасида бўлади. Эътиборлиси шундаки, Пеле ёш футболчини профессионал карьерасини бошлаб олгунига қадар ёлғиз қолдирмаган. Ундан хабар олиб турар, ОАВ билан учрашувларда издошининг реклама кампаниясининг муваффақиятли ўтишини таъминлаб берарди.

g4oji3j4gi3

Неймар “Сантос” билан “Либертадорес кубоги"да зафар қучган пайт, Пеленинг шахсан ўзи стадионга тушиб, у билан ғалабани нишонлагани кўпчиликнинг хотирасидан кўтарилмагани аниқ.

Айни дамда, бу видеороликни Неймар ва унинг атрофидаги инсонлар эски деб атамоқда, бироқ ишқибозларга бунинг ўзи камлик қилади. Ҳозир Бразилияда кун мавзусига айланган воқеанинг кейинги тафсилотлари ҳақида SPORTS.uz сайти маълумот беради. Бизни кузатишда давом этинг!

Фикрлар

Фикр қолдириш учун авторизациядан ўтинг!