Бразилиялик легионернинг голи "Насаф"ни мағлубиятдан қутқариб қололмади

Суперлигада юзага келган танаффусдан унумли фойдаланган ҳолда "Насаф" ва "Хоразм" жамоалари ўртоқлик учрашувида майдонга тушди.

Беллашувда хоразмликлар 2:1 ҳисобида зафар қучди. Дастлаб, "аждарлар"нинг бразилиялик ҳужумчиси Матеус Лима Круз ҳисобни очди. Бунга меҳмонлар Шаҳзод Бешимов ҳамда Роки Марчианонинг аниқ зарбалари эвазига икки бор жавоб қайтарди.