
"BRIKS" o‘yinlari: Boks bo‘yicha ayollar ishtirokidagi bugungi janglar yakunlandi
Rossiyaning Qozon shahrida xalqaro "BRIKS" o‘yinlari davom etmoqda. Bugun ushbu musobaqaning boks bahslariga start berildi.
Vakillarimiz ishtirokidagi dastlabki bahsda -48 kg vaznda ringga ko‘tarilgan bokschimiz Saidaxon Rahmonova, afsuski, rossiyalik Lia Patlayga qarshi bahs olib bordi va yakunda imkoniyatni boy berib qo‘ydi.
-50 kg vaznda bo‘lib o‘tgan bahsda esa Sabina Boboqulova hamhindistonlik Anamikaga mag‘lub bo‘ldi.
-54 kg vaznda hindistonlik Soniyaga qarshi bahs olib borgan Nigina O‘ktamova, raqibasini qiyinchiliksiz taslim etdi va keyingi bosqichga yo‘l oldi.
-60 kg vazn toifasida bokschimiz Rashida Tagirova, bellaruslik Alla Ivashkevichga qarshi o‘tgan bahsda, hakamlar qaroriga ko‘ra taslim bo‘ldi.
-66 kg vaznda bahs olib borgan bokschimiz Hadichabonu Abdullaeva, o‘zining ilk bahsida hindistonlik Manju Bamboriyaga imkoniyatni boy berib qo‘ydi.
-75 kg vaznda ringga ko‘tarilgan bokschimiz Aziza Zokirova, o‘z jangida bellaruslik Alina Veberni mag‘lubiyatga uchratdi.
Bugungi bokschi qizlarimiz o‘rtasidagi so‘ngi bahsda, +81 kg vaznda ringga ko‘tarilgan bokschimiz Diyoraxon Abdummanobova afsuski, hindistonlik Nupurga imkoniyatni boy berdi.
Fikrlar