Бруну Фернандеш дебют ўйинида рекорд соҳибига айланди

Кеча Англия чемпионати 25-тури доирасида "Манчестер Юнайтед" ўз майдонида "Вулверхэмптон" билан баҳс олиб борди. "Олд Траффорд"да бўлиб ўтган ўйин голсиз дуранг билан якунланди.

Ушбу учрашув Бруну Фернандешнинг "қизил иблислар" сафидаги дебют ўйини бўлди. Португалиялик баҳс давомида беш маротаба (учтаси аниқ) рақиблар дарвозасига зарба берди, шунингдек у 88 та пасни аниқ узатди.

Шундай қилиб, Фернандеш "Манчестер Юнайтед" сафида энг яхши кўрсаткич билан дебют қилган футболчига айланди.

Эслатиб ўтамиз, 25 ёшли футболчи МЮга "Спортинг"дан кўчиб ўтди. Унинг трансфер суммаси 55 миллионни ташкил этди, аммо у футболчининг натижаларига қараб 80 миллион еврогача кўтарилиши мумкин.