Бу футболчи Манчестердан кетсин

“Манчестер Юнайтед”га катта умидлар билан трансфер қилинган ҳимоячиси Лени Йоро беқарор ўйинлари сабаб танқидлар марказида қолмоқда.

2024 йилнинг ёзида инглиз клуби 20 ёшли футболчи учун 60 миллион евродан ортиқ маблағ тўлаб, унинг трансфери учун курашда рақобатчиларни ортда қолдирган эди. Аммо футболчи ҳозирча барқарорлик етишмаслиги сабаб кутилган натижани бермаяпти.

Манчестерликларнинг афсонавий собиқ футболчиси Пол Скоулз вазият бўйича ўз фикрини билдирди.

- Бу ҳимоячи учун катта пул тўланди, аммо менимча, унга Англия футболига мослашиш қийин бўлди. Унда салоҳият бор, балки яна бироз вақт керакдир, лекин агар мен ҳозир қарор қабул қилишим керак бўлса, уни сотиб юборган бўлардим, - деди Скоулз The Good, The Bad & The Football дастурида.