Бу футболчи Роналдудан ҳам, Мессидан ҳам зўр!

Россиялик футбол эксперти Александр Бубнов Қатардаги жаҳон чемпионатида Криштиану Роналду ва Лионель Мессидан анча зўр футболчи ўйнаётганини айтди.

- Килиан Мбаппе — ғаройиб футболчи. На Роналду, на Месси унга тенглаша олади. Унинг ҳисобида жаҳон чемпионатининг олтин медали бор. Балки Қатардаги иккинчисини ҳам қўлга киритар.  Лео ҳам, Криштиану ҳам жаҳон чемпионатида ғолиб бўлмаган. Уларнинг терма жамоалари ўйинини кўриб, бош соврин армонлигича қоладигандек.

Мбаппега “Олтин тўп” ва Чемпионлар лигасидаги  ғалаба етишмаяпти. Лекин унинг 23 ёшда эканини инобатга олсак, ҳаммаси ҳали олдинда. Кўпчиликнинг фаолияти шу ёшда бошланади. Килиан эса, иккинчи жаҳон чемпионлиги учун курашяпти.

Ўйин сифати бўйича Мбаппе ажойиб жисмоний кўрсаткичларга эга.  У Мессининг энг тезкор давридан ҳам чаққон. Қолаверса, французнинг дриблинги зўр, бир уринишда иккита ёки учта рақибни алдаб ўта олади. Буни мундиалда бир неча бор кўрдик.

Мбаппе дриблингларни катта тезликда югураётганда қўллай олади, тўпни яхши назорат қилади. Зарбани икки оёқда беради, зарб кучи ва тепиш техникаси ҳам мукаммал, - деди Александр Бубнов.