Бу жамоа Бундеслигада ўйнашни 120 йил кутди

“Эльверсберг” жамоаси Германия иккинчи дивизионининг вице-чемпионига айланди ва тарихида илк бор Бундеслигага йўлланма олди.

Бунинг учун жамоага ўз майдонида “Пройссен” устидан 3:0 ҳисобидаги йирик ғалаба етарли бўлди. Шу тариқа, “Эльверсберг” 62 очко жамғариб, мусобақа жадвалида иккинчи ўринни кафолатлади.

Таъкидлаш жоизки, клуб 1907 йилда ташкил этилган ва юқори дивизионга қарийб 120 йил деганда йўлланма олишни уддалади.

Эслатиб ўтамиз, Иккинчи Бундеслига чемпиони “Шальке 04” бўлди. Гельзенкирхенликлар иккинчи ўриндан саккиз очкога илгарилаб кетган.

“Падерборн” Германия элит дивизионида ўйнаш ҳуқуқи учун “Вольфсбург”га қарши баҳс олиб боради. “Бўрилар” Бундеслигада 16-ўринни эгаллаган бўлса, уларнинг бўлажак рақиби Германия иккинчи дивизионида учинчи поғонада якунлади. Келаси мавсум юқори дивизионда қайси жамоа ўйнаши ҳар икки клуб ўзаро рақобатда аниқлайди.