Бу жамоада Мессига ўрин йўқ!

Футболчилик даврида Лионель Месси билан бирга “Барселона” шарафини ҳимоя қилган Хави Эрнандес ҳозир бош мураббий сифатида қадрдон жамоасининг аввалги мавқеини тиклашга ҳаракат қилмоқда.

Яқинда Месси ҳам Каталонияга қайтиш учун ҳаракатни бошлагани ҳақида хабарлар тарқала бошлаганди. Бироқ, Хави ўзи бошқараётган жамоада Мессига ўрин бермоқчи эмас. Испаниялик мутахассис матбуот анжуманида бу масалага ва ашаддий рақиб – “Реал” Килиан Мбаппе ва Эрлинг Холандни олишга ҳаракат қилаётгани ҳақидаги саволларга жавоб берди.

- Ҳозирча Мбаппе ва Холанд бўйича бирор аниқлик йўқ. Шунинг учун бу ҳақжда гапиришни ўзимга эп кўрмайман. “Барселона” айни пайтда жамоа бир шахсдан устун бўлган лойиҳа устида иш олиб бормоқда. Агар улар жамоа учун ўйнаса бу яхши.

“Барса” келаси мавсум учун жиддий лойиҳа тайёрлаяпти. Мен кимни танлайман: прессингда қатнашмайдиган суперюлдузними ёки югириб, рақибга босим қиладиган меҳнаткаш ўйинчиними? Жамоамизда прессингда қатнашмайдиган ижрочи бўлиши мумкин эмас. Босим ўтказиш, ўйинимиз пойдевори, - деди Хави.

Мутахассислар Хавининг бу гаплари Мессининг қайтиши ҳақидаги хабарларга жавоб бўлганини таъкидламоқда. Бундан келиб чиқиб, Мессининг ўйин услуби Хави қураётган жамоага умуман мос келмайди.

Фикрлар

Фикр қолдириш учун авторизациядан ўтинг!