Бу жамоани енгиб бўлмайди

Европа лигасининг ярим финал учрашувида “Манчестер Юнайтед” устидан иродали ғалабага эришган “Севилья” мағлубиятсиз ўйинлар сериясини 20 та учрашувга етказиб, ўз рекордини янгилади.

“Севилья” охирги маротаба 9 февраль куни Ла Лиганинг 23-тур учрашувида “Сельта”га 1:2 ҳисобида енгилган эди. Шундан буён бу жамоани Испанияда ҳам, Европада ҳам тўхтатадиган жамоа топилмаяпти.

Энди испанияликлар Европа Лигаси финалида “Интер” ва “Шахтёр” жамоалари баҳси ғолиби билан куч синашади.

Европа Лигасининг финали 21 август куни ўтказилади.