Бу кам! “Арсенал” ҳужумчи учун 120 миллион евро таклиф қилиб, рад жавобини олди

Англия Премьер-лигасида пешқадамлик қилаётган Лондоннинг “Арсенал” клуби Испания чемпионатида “Атлетико” жамоаси шарафини ҳимоя қилаётган Хулиан Альваресни трансфер қилишга уриниб кўргани ошкор бўлди.

El Desmarque нашри журналистлари маълумотига кўра, “канонирлар” раҳбарияти аргентиналик форвардни 2025 йилги клублар ўртасидаги жаҳон чемпионати давомида қўлга киритишга ҳаракат қилган.

Ўша вақтда англияликлар Альварес учун 100 миллион евро миқдорида кафолатланган тўлов ва яна 20 миллион еврони бонус сифатида таклиф қилган. Мадрид клуби бу таклифни рад этган.

Илгари “Манчестер Сити”да ўйнаган аргентиналик ҳужумчи Эрлинг Холанд соясида қолиб кетаётгани учун 2024 йилда “Атлетико” сафига кўчиб ўтган эди. Томонлар ўртасидаги амалдаги меҳнат шартномаси 2030 йилнинг июнигача амал қилади.