Бу ўйинчига “Реал” ва “Барса” харидор

Испания чемпионатининг энг номдор клублари – “Реал” ва “Барселона” ёзги трансферлар вақтида “Боруссия” ҳимоячиси Рафаэль Геррейруни ўз сафига қўшиб олмоқчи.

28 ёшли ўйинчининг дортмундликлар билан амалдаги битими бир йилдан сўнг якунига етади. Унинг трансфери 35 миллион еврога баҳоланмоқда. Агар томонлар янги шартнома имзоламаса, бу сумма ёзда пасайиши мумкин.

Геррейру жорий мавсумда йигирмата учрашувда қатнашиб, бешта гол ва учта голли пас муаллифи бўлди.

Португалиялик футболчи 2016 йили Дортмундга келгунга қадар Франция чемпионатида бир неча клублар шарафини ҳимоя қилган.