Бу сафар Роналду Мессини ортда қолдирди

"Reddit" портали саҳифаларида қизиқарли инфографика чоп этилди. Портал Халқаро футбол тарихи ва статистикаси федерациясига (IFFHS) таяниб, пенальтидан урилган голлар бўйича тарихдаги энг яхши футболчилар жадвалини тузди.

Биринчи ўринни Криштиану Роналду эгаллаган бўлиб, у клублари ва терма жамоаси учун 151 марта пенальтидан гол урган. Кейинги ўринлардан бразилиялик Ромарио (114 та гол), нидерландиялик Рональд Куман (113), аргентиналик Лионель Месси (108) ва италиялик Роберто Баджо (100) жой олган.

Криштиану айни дамда Саудия Арабистонининг "Ан-Наср" клуби шарафини ҳимоя қилмоқда.