Бу сўнгги таклиф! "Реал" Винисиусга ультиматум қўйди

«Реал»раҳбарияти бразилиялик ҳужумчи  Винисиус Жуниор билан шартномани узайтириш масаласини яна чўзиб ўтириш ниятида эмас.

Marca нашри хабарига кўра, мадридликлар футболчи атрофидаги одамларга янги шартнома бўйича сўнгги таклиф аллақачон берилганини маълум қилган.

Клуб маошни яна ошириш ёки музокараларни янги босқичга олиб чиқишни режалаштираётгани йўқ. 

«Реал» бразилиялик футболчи учун жамоадаги мавжуд маош тизимини ўзгартиришга ва уни энг катта маблағ оладиган ўйинчига айлантиришга тайёр эмас.

Агар Винисиус таклифни рад этса, клуб уни ёзги трансфер ойнасининг ўзида сотиш вариантларини кўриб чиқади. Ҳозирда 26 ёшда бўлган футболчининг «Реал» билан амалдаги шартномаси 2027 йилгача мўлжалланган.