Бу воқеа содир бўлганига 20 йил бўлди

Бундан роппа-роса 20 йил аввал, 2003 йилнинг 16-ноябрида Лионель Месси илк бор "Барселона" либосида ўйнаган эди.

Ўша куни Франк Райкард 16 ёшли футболчини "Порту"га қарши ўртоқлик ўйинида захирадан майдонга туширганди. Ўшанда каталонияликлар 0:2 ҳисобида имкониятни бой беришган.

Лионель Месси "Барселона"ни 2021 йилнинг ёзида тарк этганди. Каталония клуби молиявий муаммолар туфайли аргентиналик футболчига янги шартнома таклиф қила олмади. Кейин Месси ПСЖда икки мавсум ўйнади ва 2023 йилда "Интер Майами"га ўтди.