Бу юлдуз Англияга қайтиб кетсин! Ҳужумчи суперклубга ёқмади

Бундеслиганинг амалдаги чемпиони Мюнхеннинг “Бавария” клуби жамоа сафида ижарада ўйнаётган ҳужумчи Николас Жексонни мавсум якунида “Челси”га қайтариб юборишга қарор қилди.

Бу ҳақда Topskills Sports UK нашри хабар тарқатди.

Манба маълумотларига кўра, Жексон ўз ўйини билан “Бавария” раҳбариятида ишонч уйғота олмаган, шу сабабли немис гранди ижара муддати тугагач, футболчини сотиб олиш ҳуқуқидан фойдаланмайдиган бўлди.

Айни пайтда “Бавария” асосий тўпурар Ҳарри Кейнни вақти-вақти билан алмаштира оладиган янги ҳужумчи қидирмоқда.

 Клуб Жексонни ўтган йил сентябрда ижарага олган эди. У жамоа сафида 21 та ўйин ўтказиб, бешта гол ва бирта голли узатма муаллифи бўлди.

Transfermarkt порталига кўра, 24 ёшли сенегаллик футболчининг қиймати 45 миллион еврони ташкил этади.