Буффон фаолиятини якунламоқчи эмас

Туриннинг "Ювентус" клуби дарвозабони Жанлуижи Буффон келаси ёз фаолиятини якунламоқчи эмас.

Tuttosport нашри тарқатган хабарга кўра 41 ёшли италиялик посбон ўзини яхши ҳис қилмоқда ва яна бир мавсум юқори даражада ўйнашга кучи етишига ишонмоқда.

Буффон ҳозирча бу масалада якуний қарорга келгани йўқ, бироқ “Ювентус” билан амалдаги шартномасини 2021 йилгача узайтиришни жиддий ўйламоқда.

Маълумот учун, Буффон жорий мавсум туринликлар сафида жами 3 та ўйинда майдонга тушди ва ўз дарвозасидан 2 та гол ўтказиб юборди.