Буффон "Олтин тўп" билан боғлиқ энг катта адолатсизликни айтди

"Парма" дарвозабони Жанлуижи Буффон Андреас Иньеста "Олтин тўп"ни ютмаганини адолатсизлик деб ҳисоблайди. 

"Мен учун "Олтин тўп" билан боғлиқ энг катта адолатсизлик Иньестанинг ушбу совринни ютганлар қаторида йўқлиги. У Марадона, Месси ва Роналду каби кучли эди", - деди 44 ёшли посбон "France Football" нашрига берган интервьюсида. 

Маълумот учун, 2010 йилда Иньеста овоз бериш натижаларига кўра, иккинчи ўринни қўлга киритган ҳамда шериги Лионель Мессига мағлуб бўлган, 2012 йилда эса кучли учликдан жой олган.