Буффон: ПСЖ мени иккинчи рақамли дарвозабон деб ҳисобларди
Ads

Афсонавий  дарвозабон Джанлуиджи Буффон нима сабабдан ПСЖни тарк этгани ҳақида айтиб ўтди.

- Беш ой олдин ПСЖ раҳбарияти менга жамоанинг иккинчи рақамли дарвозабони бўлиш имкониятини яратувчи янги шартнома таклиф қилганди. Бу борада кўп фикр юритдим ва ушбу таклифга рози эмаслигимни билдирдим.

ПСЖнинг таклифи бутунлай қонуний ва тушунарли эди, аммо 41 ёшда инсоннинг ҳис-туйғуларга, ҳиссиётларга эхтиёжи бўлади. Ҳиссиётлар - бу мақсад ва орзулардир.

Хозирда, ўтган ёзги трансферлар мавсуми каби олдимда кўп эшиклар очиқ ва талайгина таклифларни кўриб чиқмоқдаман, - деди Буффон Corriere dello Sport нашрига берган интервьюсида.

Маълумот учун, ўтган мавсум италиялик футболчи Франция чемпионати доирасида 17 учрашувда майдонга тушиб, уларнинг олтитасида дарвозаси даҳилсизлигини ушлаб турган.