Бугун бош мураббий бўлган Рональд Куманнинг голи бундан 28 йил муқаддам "Барселона"ни чемпион қилган эди (видео)
Голландиялик мураббий Рональд Куман бугун “Барселона” бош мураббийи лавозимига тайинланди. Унинг учун “Камп Ноу” бегона эмаслигини ҳам айтиб ўтиш жоиз. У 1989-1995 йилларда ушбу жамоа шарафини ҳимоя қилган.
Куман “Барса” сафида бир неча йил юқори савияда тўп суриб, мухлислар меҳрини қозонди. Йохан Кройф қўл остидаги "Барселона" илк бор ўша пайтлари Чемпионлар кубоги, деб аталмиш ҳозирги Чемпионлар лигасида биринчи бор финалга чиқади ва стандарт вазиятлар қироли Рональд Куман “Сампдория” дарвозасига ўйинда ягона бўлган голни жарима зарбасидан киритади. Шу тариқа, каталонияликлар ўз тарихида биринчи марта ушбу кубокни қўлга олади. Куманнинг ҳиссаси катта бўлган бу ҳодиса 1992 йилда рўй беради.
Қуйида ушбу супер голни томоша қилишингиз мумкин:
Фикрлар