Бугун «Динамо» жамоаси таништирув маросими ўтказади

2022 йилги янги футбол мавсумига ўзгача руҳ ва шукуҳда тайёргарлик кўрган «Динамо» жамоаси ўз анъанасига кўра, чемпионат ўйинлари олдидан янги футболчилари тақдимотини ўтказади. Бу ҳақда клуб матбуот хизмати хабар берди. 

Таништирув маросими 28 февраль, бугун соат 18:00да Самарқанд шаҳридаги «Ёшлар маркази» катта залида бошланади. Тадбирда жамоа аъзолари, вилоят ҳокимлиги, ҳомий ва мутасадди ташкилотлар раҳбарлари, мухлислар, Самарқанд футбол жамоатчилиги иштирок этади. Унда клуб бош мураббийи Предраг Роган таништирилиб, «Динамо» футболчиларига янги либослар топширилади.