Бугун Элдор Шомуродов жамоаси ўйнайди. "Женоа"ни муҳим ўйин кутмоқда

Бугун Италия А Серияси 6-туридан ўрин олган "Сампдория" - "Женоа" баҳси бўлиб ўтади. Беллашув Тошкент вақти билан 00:45да бошланади.

Ушбу баҳс генуяликлар учун муҳим саналади. Чунки жамоанинг охирги натижаларидан сўнг имкониятлари пасайиб кетмоқда. Элдор Шомуродов тўп тепаётган клуб айни пайтда 17-ўринда бормоқда. Тўғри, футболчиларда коронавирус аниқлангани учун генуяликларнинг битта ўйини қолдирилган. Бироқ шундай бўлса ҳам, "Женоа" кам очко жамғармоқда. Агар бугун ғалаба қозонса, турнир жадвалида анча юқорилашга эришади. Шунинг учун жамоа бундай имкониятни бой бермасликка ҳаракат қилади. Боз устига "Сампдория" ҳам зафар қучса, 3-поғонага кўтарилади. Бу эса ўйинга бўлган қизиқишни оширади.