Бугун "Насаф" учун муҳим кун

Элит Осиё Чемпионлар лигасининг 8-тур баҳсларига старт берилмоқда.

Бугун Қаршининг "Насаф" клуби Элит Осиё Чемпионлар лигасининг сўнгги тур баҳсида Бирлашган Араб Амирликларининг "Шаржа" жамоасига қарши сафар ўйинида иштирок этади. Ушбу жамоалар ўзаро 2 марта тўқнаш келган бўлиб, устунлик амирликлар клуби томонида бўлиб турибди. 2023 йилнинг октябрь ойида бўлиб ўтган дастлабки баҳсда "Шаржа" Қаршидан ғалаба билан ортга қайтган эди 0:1. Иккинчи ўйин ҳам айнан 2023 йилда бўлиб ўтган ва унда кучлар тенг келган эди 1:1. Бу беллашув "Насаф" учун ҳеч нарса бермаса-да, жамоа ўз мухлисларини хурсанд қилиш учун майдонга чиқиб, ғалаба учун курашади. Қаршиликлар ортда қолган 7 тур натижаларига кўра, 1 очко билан энг сўнгги поғонани эгаллаб турибди. БАА клуби эса 8 очко билан 9-ўриндан жой олган.

Ушбу беллашув Тошкент вақти билан 21:00да старт олади.