Бугун Ўзбекистон аёллар терма жамоаси Эронга қарши мусобақа ғолиблиги учун майдонга тушади

Хабарингиз бор, айни кунларда Тожикистон пойтахти Душанбе шаҳрида аёллар ўртасида "CAFA Womenʼs Championship-2022" мусобақаси бўлиб ўтмоқда.

Ўзбекистон аёллар миллий терма жамоаси 3 та ўйинда 9 очко жамғариб, турнирда пешқадам бўлиб турипти. Кейинги поғонадан Эрон аёллар терма жамоаси жой олган. Ушбу жамоа ҳам ўтказган барча учрашувларида ғалаба қозониб, очколари сонини 9 тага етказиб олган.

Бугун ушбу икки пешқадам жамоа ўзаро ўйин ўтказади. Мазкур ўйин натижасига кўра, турнир ғолиби аниқланади. Учрашув Тошкент вақти билан соат 19:00 да бошланади.