Бугун Рўзиқул Бердиев кутаётган трансфер амалга ошиши мумкин. Мураббий музокара кетаётганини айтди

Эртанги Суперкубок олдидан бугун "Насаф" ва "Пахтакор" жамоалари бош мураббийлари иштирокида матбуот анжумани ташкил этилди. Дастлаб қаршиликлар устози Рўзиқул Бердиев журналистлар саволларига жавоб берди.

"Насаф" мураббийи жамоага янги ҳужумчи келиши мумкинлигини айтди. Яъни бугун номи сир тутилган ҳужумчи билан музокара ўтказилмоқда. Агар томонлар келиша олса, бугун кечгача шартнома имзоланиши мумкин. Бу орқали Рўзиқул Бердиев кутган учта чизиқдаги трансферлар амалга ошган бўлиши таъкидланди. Акси кутазилса, ўз имкониятлари билан чегараланишлари қўшимча қилинди.

Мураббий бошқа позицияларни Шароф Муҳитдинов ва Иван Соловьёв билан тўлдирилганини билдирди. Энг асосий мақсадлардан бири эса ҳужумчи олиш бўлган.