Бугун Яхшибоев гол урадими?

Беларусь чемпионатининг 21-тур учрашувлари бошланмоқда. Мусобақа жадвалида якка пешқадамлик қилаётган “Шахтёр” бугун ўз майдонида чемпионатнинг ўртамиёна жамоаларидан ҳисобланган “Динамо-Брест”га қарши ўйнайди.

Ўзбекистонлик футбол мухлислари солигорсликларнинг етакчи футболчисига айланиб олган Жасур Яхшибоевдан навбатдаги голни кутмоқда. Айни пайтгача 12 та тўп киритган ёш футболчимиз тўпурарлар баҳсида биринчи ўринда бормоқда.  

Жасур 12 та голдан 9 тасини собиқ жамоаси “Энергетик-БГУ” таркибида, яна учтасини “Шахтёр” сафида урган.

“Шахтёр” -  “Динамо-Брест” учрашуви Тошкент вақти билан соат 22:00 да бошланади.