Бунақа ўйинчи керакми? Родриго “Реал” тарихидаги антирекорд қайд этди

Мадриднинг “Реал” клуби ҳужумчиси Родриго Гоэс жамоанинг кетма-кет 30-ўйинида гол уролмай, клуб тарихидаги ҳужумчиларнинг умумий антирекордини такрорлади.

Бу ҳақда 365Scores хабар қилди.

Манба маълумотларига кўра, бундан олдинги антирекорд “Реал”нинг доминиканлик собиқ ҳужумчиси Мариано Диасга тегишли бўлган.

Родриго охирги марта 2025 йил март ойида, Чемпионлар Лигаси плей-офф босқичида Мадриднинг иккинчи жамоаси “Атлетико”га қарши ўйинда (2:1) тўп киритиб, жамоасининг ғалабасига кўмаклашган эди.

Жорий мавсумда 24 ёшли ҳужумчи “Реал” сафида 15 та учрашувда қатнашиб, 2 та голли пас берган.