Bunaqa sharmandalik bo‘lmagan: “Ayaks” 124 yillik tarixidagi eng yirik mag‘lubiyatni qabul qilib oldi

Jahon futboliga bir qancha yulduzlarni kashf qilib bergan “Ayaks” joriy mavsumni muvaffaqiyatsiz o‘tkazmoqda.

Amsterdamlik Niderlandiya chempionatining 29-turida “Feyenoord” jamoasi mehmoni bo‘lib, qaqshatqich mag‘lubiyatga uchradi.

Uchrashuvda “Feyenoord” futbolchilari mehmondo‘stlik ko‘rsatgani yo‘q va raqibni ayab o‘tirmay, ularning darvozasiga javobsiz oltita to‘p kiritdi.

Statistika bilan shug‘ullanuvchi mutaxassislarning ma’lum qilishicha, bu “Ayaks” tarixidagi eng yirik mag‘lubiyat bo‘ldi.

Bundan tashqari, ushbu bahsda amsterdamlik raqib darvozasiga bitta zarba yo‘lladi. Mezbonlar esa, “Ayaks” darvozasiga 30 marotaba to‘p yo‘lladi.