Бунақада Ҳусанов жойини бой беради!
Англия Премьер-лигасининг олтинчи туридан ўрин олган учрашувда “Манчестер Сити” ўз майдонида “Бёрнли” устидан 5:1 ҳисобида зафар қучиб, қимматли уч очкога эга бўлди.
“Шаҳарликлар”нинг йирик ғалабасига меҳмонлар ҳимоячиси Максим Эстев “ёрдам” бериб юборди. Франциялик футболчи “Манчестер Сити”нинг ҳужумларини қайтаришда, икки марта ўз жамоаси дарвозасини ишғол қилиб қўйди.
Бир жуфт автоголдан ташқари, битта гол Матеуш Нуньеш ҳисобига ёзилган бўлса, манчестерликлар тўпурари Эрлинг Холанд ўйин якунланишига яқин дубль қайд этди ва жами саккизта гол билан лига тўпурарлари пойгасида биринчи ўринга кўтарилиб олди.
Ўзбекистон миллий терма жамоаси аъзоси Абдуқодир Ҳусанов ўтган турда жароҳат олгани учун бу гал майдонга тушмади. 21 ёшли легионеримиз охирги учта учрашувда ўйнаган ўнг қанот ҳимоясига бу гал Матеуш Нуньеш туширилди.
Португалиялик футболчи ҳимоядаги вазифаларини бажаришдан ташқари АПЛнинг янги мавсумидаги биринчи голини ҳам урди. Ўйиндан кейин тажрибали футболчи ўз фикр-мулоҳазалари билан ўртоқлашди.
- Биз гол ўтказмасликни ўрганишимиз керак. Мана шу “Бёрнли” билан бўлган ўйиндан олган хулосамиз бўлди.
Ўйиннинг биринчи ярми жуда қийин кечди. Бироқ иккинчи бўлимда ўйиннинг боришини янада яхшироқ назорат қилдик ва муваффақият қозондик.
Бу жуда ёқимли ғалаба. Биз ҳали ҳам аввалги даражамизга кўтарилишга ҳаракат қиляпмиз. Бунинг учун ҳар бир баҳсда ўйинни тўлиқ назорат қилишимиз талаб этилади.
Ҳар доим ғалаба учун тўп тепамиз, аммо бу ҳар доим ҳам осон кечмайди, - деди Матеуш Нуньеш.
Англия Премьер-лигасида олтита учрашувдан сўнг очколари сонини ўнтага етказиб олган Хосеп Гвардиола шогирдлари мусобақа жадвалида юқори ўринлар учун курашаётган жамоалар қаторига қўшилди.
“Манчестер Сити” навбатдаги учрашувини Европа Чемпионлар лигаси доирасида ўтказади. Қитъанинг энг нуфузли мусобақасида биринчи турда ўз майдонида Италия чемпионини мағлубиятга учратган “шаҳарликлар” энди Францияга сафар қилади.
1 октябрга белгиланган баҳсда “Манчестер Сити” футболчилари “Монако” жамоасига қарши саф тортади. Абдуқодир Ҳусанов бўлажак учрашувда иштирок этиши ҳамон сўроқ остида турибди.
Гвардиола Ҳусановга қандай талаблар қўйди?
“Қоя”, “Жангчи” ёки “Афсунгар”: Ҳусановнинг Англияда яна қандай лақаблари бор?
Фанатлар талаби: Ҳусановни “Барса”га олиб келинг!
Ҳусанов қачон майдонга қайтишининг аниқ санаси эълон қилинди!
Фанатлар Ҳусановдан мўъжиза кутяпти!
Фикрлар