Фанатлар Ҳусановдан мўъжиза кутяпти!
“Манчестер Сити” бош мураббийи Хосеп Гвардиола “Арсенал” билан ўйинда шикастланган Абдуқодир Ҳусанов жароҳати туфайли бир неча учрашувларни ўтказиб юборишини эълон қилди.
Клуб матбуот хизмати бу хабарни ижтимоий тармоқлардаги расмий саҳифалари орқали мухлисларга етказди. Айни пайтда “Манчестер Сити”нинг бутун дунё бўйлаб ёйилган ишқибозлари Абдуқодир Ҳусановни муҳокама қилмоқда.
Sports.uz портали жамоа фанатларининг ҳамюртимиз ҳақидаги фикр-мулоҳазалари ва муносабатларини ўқувчилар эътиборига ҳавола қилишни маъқул топди.
Greenwood Greenwood:
Ҳусанов зўр ҳимоячи. Ҳар гал таркибдан жой олганида ҳимоя чизиғи деворга айланади.
Tochukwu Elias:
Абдуқодир ҳимоя қўрғони. Биз Ҳусанов тезроқ формасини тиклаб, Чемпионлар лигаси бош соврини олиб беришини кутяпмиз.
Soumya Chattopadhyay:
“Тўпчилар”га қарши зўр ўйнаб турганди. Тезроқ сафга қайтсин.
Okwii Richard:
“Арсенал”, Ҳусанов сени нималар қилганини кўрдингми? Биз уни яхши кўрамиз.
Calito De Cattz:
Бизга Ҳусанов ўз жойида – ҳимоя марказида ўйнагани ёқади. Лекин у ҳозир ҳаммадан зўр ўнг қанот ҳимоячиси эканини ҳам кўрдик. “Манчестер Сити”да тўп тепишга муносиб футболчи экан. Бизга унинг тезкорлиги ҳам ёқди.
Paul Anthony Gilleece:
Зўр ўйинчи кучайиб бораверар экан.
Undersco Ak:
Бу йигит ҳақиқатан зўр экан. Унга вақт беринг ва клуб учун самарасини кўрасиз.
Monday Eddy:
Мен “Арсенал” фанатиман, лекин Ҳусанов зўр ўйинчи экан.
Zambrotta à Kamara:
Ҳусанов ҳам жуда ақлли, ҳам жисмонан кучли ўйинчи
Peter Turnbull:
Абдуқодирни яхши кўрамиз ва “Сити”да узоқ йиллар қолиши тарафдоримиз.
Frank Jones:
Пеп, Ҳусановни ўнг қанотда қолдиравер. Абдуқодир янги Уокер бўлишга қодир.
Chilz Mula:
Бизга Ҳусановга ўхшаганлардан кўпроқ керак.
Emmanuel Akam:
Ҳусановнинг тезлигини кўрсам, ҳаяжонланиб кетаман.
Amen Alla Weslati:
Ҳусанов кучли, чаққон, тезкор, ҳақиқий ҳимоячи, доим бошланғич таркибда ўйнашга лойиқ.
Ervin Ramku:
Мен учун Ҳусанов ҳозир дунёнинг энг зўр ҳимоячиси.
Комментарии