Бунақаси бўлмаган! Роналду яна бир тарихий рекорд ўрнатди

  • 31 Jan 20:08
  • Zohir Toshxo’jayev
  • 0
  • Football
TIGGO 2 PRO

Саудия Арабистони чемпионати доирасида сафарда “Ар-Раед” меҳмони бўлган “Ан-Наср” жамоаси 2:1 ҳисобида ғалаба қозонди.

Бу муваффақиятга биттадан гол ва ассист муаллифи бўлган Криштиану Роналду катта ҳисса қўшди.

Энг муҳими эса, яқинда 40 ёшни қаршилайдиган тўпурар яна тарихий натижа қайд этди. Биринчидан, Роналду расмий учрашувлардаги голлари сонини 921 тага етказиб, ўзига тегишли рекордни яна янгилади.

Криштиану клублар учун 786 та тўп киритган бўлса, Португалия терма жамоаси сафида рақиблар дарвозасини 135 маротаба ишғол қилган.

Иккинчидан, португалиялик ҳужумчи жаҳон футболида клублар миқёсида 700-ғалабани нишонлаган биринчи футболчи сифатида ном қолдирди.

Роналдунинг клублардаги ғалабалари сони қуйидагича кўриниш олган:

“Спортинг”да  — 13 та ғалаба

“Манчестер Юнайтед”да — 214 та ғалаба

“Реал”да — 316 та ғалаба

“Ювентус”да — 91 та ғалаба

“Ан-Наср”да  — 66 та ғалаба.

Comments

You must be logged in to commet!