Бунақаси бўлмаган: Холанд ўз номини Англия тарихига михлаб қўйди

Англия Премьер-лигасининг тўртинчи турида амалаги чемпион “Манчестер Сити” ўз майдонида “Брентфорд” устидан 2:1 ҳисобида зафар қучди.

Манчестерликларга ғалаба келтирган ҳар икки гол муаллифи Эрлинг Холанд Англия футболи тарихига ўз номини ёздириб қўйди.

Гап шундаки, дублдан кейин норвегиялик тўпурарнинг дастлабки тўртта турда рақиблар дарвозасига киритган голлари сони тўққизтага етди. Ҳали Премьер-лига тарихида бирор бошқа футболчига бунақа самарадорлик насиб қилмаган эди. Бу ҳақда статистикага ихтисослашган Squawka маркази хабар берди.

Эрлинг Холанд “Манчестер Сити”га келганидан буён барча турнирларда 103 та учрашув ўткзиб, 99 та гол ва 14 та ассист муаллифи бўлган.