Бунақаси Лукакунинг фаолиятида биринчи марта содир бўлди

“Интер” ҳужумчиси Ромелу Лукаку кеча “Хетафе”га (2:0) қарши бўлиб ўтган Европа лигасининг 1/8 финал жавоб баҳсида ўз ҳисобига гол ёздириб қўйди.

Бельгиялик футболчи ўзининг жорий мавсумдаги голлари сонини 30 тага етказиб олди. Эътиборлиси, у бундай натижага фаолиятида биринчи марта эришди.

Қолаверса, “Интер” сафида сўнгги марта бир мавсумда 30 тадан ортиқ голни 2010/11 йилги мавсумда Самюэль Это’О киритган эди.